फोटोत दिसणारा मेदूवडा श्रीधर तिळवे
फोटोत दिसणारा प्रकाशमान मेदू वडा
आत ओढून नाहीसा करणारा
जणू आदीयोनीची पिवळी किंचाळी गिळणारी
कोट्यावधी वर्षांचा कोट्याधीश
त्याला माहीत आहे मला त्याच्या चवीचा उन्माद आहे
चुंबन चुंबकाचे माझा वीकपॉइंट आहे
अनेकांनी टाकलेले तंबू नाहीसे झालेत
प्रकाशी राजवाड्यांचे प्रकाशदगडही शिल्लक नाहीत जे गिळले गेले
सूप बनवून टाकले गेलेले तारे परतले नाहीत
प्रकाश वेफरसारखा वाकलाय ह्याबद्दल दुःख करावं
कि तो वाकलेला पहायला मिळाला म्हणून उत्सव साजरा करावा ?
हॉकिंग्ज स्वप्नात आईन्स्टाईनला म्हणतायत
फोटो घेतला गेलाय
पण जो जवळ होता त्याचा नाही
तर जो दूर आहे त्याचा त्याने कोऑपरेट केले
आईन्स्टाईन म्हणतायत जवळ दूरही सापेक्ष आहे फोटो घेतांना पण कि काय
मी जोकवर हसतोय
आईन्स्टाईनचे स्थूल प्लॅन्क क्वान्टमचे सूक्ष्म
शक्तीचे फॉर्मलेस शून्य आणि त्या अतित शिव
जग म्हणजे लॉन्च केलेलं लोणचं
बिअरचे गरम झालेले कॅन्स
शीळ रोलप होतीये
कार्ल स्कॅवझशिल्ड सरळसोट ताऱ्यांवर गणिती पाय देत
वर्महोल साकारत आकारत निराकारत
मॅजिक स्फिअरचं गेट उघडंच आहे
या ! स्वागसे करेंगे सबका स्वागत
शब्द माणसांना मॅनेज करतायत कि माणसे शब्दांना मॅनेज करतायत
ह्या वादाचा हा दि एन्ड आहे
जे एकीला दिसत नाही
ते अनेकींचे फिल्डिंग लावून कमवावे
ह्यालाच नेटवर्क फिल्डिंग म्हणतात
प्रतिमांचे सिम्युलेशन
टीमवर्क शेपूट हलवत समोर पाहतंय
स्वतःशी इंटेन्स वफादार आणि पारदर्शक
सगळे बोल्ट एकमेकांशी आवळले गेलेले पेप्सी पीत
प्रकाशाचे गोड सोने
आणि कृष्णीकेचे घुंघट
हॉन्टिंग बूट एकत्र
सर्वांना माहितीये
ह्या मेदूवड्यापुढे मिश्याचा ताव निकामी
जे खांदा मोडायला गेले त्यांचे हात पिरगळले गेले
जे गरुडासारखे बसायला गेले ते गारुड होऊन खोलीत कोसळले
फोटोत दिसणारा मेदुवडा तयार
माझ्या स्वप्नात २०२०
२०२० चे नोबल मेदुवड्याच्या हस्ते रॉजर पेनरोज ऱ्हाइनहार्ड गेंझेल अँड्रिया गेज ह्यांना
मेदुवडा भाषणात म्हणतोय मी खात्री देतो तुमच्या किमान अस्थी तरी मी आनंदाने आमच्या बंधूंच्या द्वारे
आमच्या समूहात न्हेईंन
वर्स्ट हार्ट उकाडा उकाळा करून प्या पेनरोज
ब्युटी सिग्नलवर टपलेला रस्ता
लपलेल्या फांदीवर तापलेल्या कावळ्याचा कवकवाट
मी जागा होतोय तर
फोटोत दिसणारा मेदुवडा विचारतोय
श्रीधरराव तुम्ही एव्हढे चिल्लर
इतके थिल्लर कसे
मी मरण दाखवतोय
आणि तुम्ही संशोधन खरं झालं म्हणून आनंदित
माझ्याबरोबर कुत्रा नाही म्युनिसिपाल्टीने जप्त केलाय
मी सध्या गाण्यात गात नाही लॉग इन होतोय
कादाचित तुझ्यात लॉग इन झालोय ह्याचा हा आनंद असेल
फोटोत दिसणारा मेदुवडा मला साईडला करून
माझ्या साईडस पाहतोय
मी त्याच्या मूव्हने हलतोय
मोक्ष दिसेल तर काय
मोक्ष न दिसेल तर काय
डिसेक्शन चालूय
आणि ते सहन करण्याशिवाय माझ्या हाती काही नाही
माझ्यातलं जुनं तेल फ्लश होतंय
मूळ शेंगदाणे पर्सनल हिस्टरीसकट उभे
माझ्या वेगवेगळ्या जेवणांची जिओग्राफी जिओच्या स्क्रीनवर
मी आश्चर्यमुग्ध किंचाळीचे बकोट धरलंय म्हणून ती गप्प आहे
सेक्सनं सुरु झालेल्या आणि कवितेत समाप्त झालेल्या गोष्टी
ज्ञच्या मांड्यांची अंतर्गृहे आणि माझा ढिसाळलेला प्लग
भाऊंचे चौकशीचे स्क्रू ड्रायव्हर आणि माझी उसवलेली वेल्डींग्ज
आईचे क्रोमोझोम्स आणि त्याच्या इच्छांच्या ढिगाचे ढग
मावशीने केलेला सख्ख्या बहिणीचा खून आणि त्यातून उडणारे डास रक्त पिणारे
वॉकिंग डिस्टन्सवरचे फ़ुटबाँल आणि डिकोड न झालेले गोल शाहू मैदानावरचे
कलकत्त्याच्या मगमध्ये विरघळत गेलेला ग्रांट रोड आणि सेंटर नसलेले बॉम्बे सेंट्रल
गोरेगावमध्ये स्टन झालेली कामवासना आणि तिचे मातृमुखी बनत गेलेले स्तन
जे जे स्कुलच्या कँटिनमधली भिंतीचित्रे कोल्डड्रिंकमधले बुटके राक्षस
कारगिलच्या सैनिकांची मुलगी बॉलिवूडमध्ये स्ट्रगल करणारी तिची सूर्यराखी हातावर
सिग्रेटी फुंकणारे तरुण आणि धुरात कोंडल्या गेलेल्या बायका
झुळकीने उडवलेले धुराळे आणि मातीचे पडलेले थारोळे
पानावर फर्स्ट गिअर टाकून बसलेले दवबिंदू
कॅफे कॉफीडे मधले अड्डे आणि निगोशिएशनमध्ये उडालेली क्लिव्हेजी तारांबळ
उजूच्या दुःखांच्या सुऱ्या भारतच्या मृत्यूमध्ये आपण ओरडलेल्या धाकाचा धक्का
भाऊंच्या मृत्यूनंतर संपूर्ण आयुष्यभर पसरलेली शांतता
माझ्या आतलं काय काय काढलं जातंय गिळण्यासाठी
मी देत -कर्णासारखा
श्रीधर तिळवे नाईक
( निर्वाण सीरीजमधील आजच्या कविता ह्या फाईलमधून )
No comments:
Post a Comment