सूर्याचा लिंबू पिळतोय उन्ह 

क्षितिज मॉलजडित भिंतींच्यासारखं कॉस्मोपॉलिटिन 

श्वास आखडल्यापासून सगळंच आखडल्यासारखं वाटतंय 

पेरू वरुण धवन सारखा उभा कॉमिक मस्क्युलर 

कुठली सना खान त्याला दिसतीये माहित नाही 

तो स्वतःला कुली नम्बर एक समजत नाहीये 

बहुदा हा अधिकार त्यानं गोविंदासारख्या माणसांना दिलाय 

गरुडांचे पंख कोमेजलेले नाहीत

पण पेरू अजूनही त्यांचे रहिवासस्थान नाही  

पोपट अजूनही उत्तराधुनिक न झालेल्या फांदीवर हिरवेगार बसतायत 

पवार आणि त्यांची फॅमिली कोव्हीडमधून परतलीये 

मी खातोय महेश पवार ह्याने रिकमेण्ड केलेली अंडी आणि केळी 

व्हाईट अँड यलो कम्बाईन नजर खिळलेली माझ्या चेहऱ्यावर 

शेवटी खाणाऱ्याचा चेहरा खाल्ले जाणाऱ्यांना कसा दिसत असेल ?

पेरूची पानं वाऱ्यात पोहतायत 

हे पृथ्वीमाते ,

झाडांना कोव्हीड होत नाही म्हणून शुक्रिया 

श्रीधर तिळवे नाईक