श्रीधर तिळवे नाईक

संपूर्ण ब्रह्मांड झालास तरी
त्या ब्रह्मांडातला  कोव्हीड
कोव्हीडच राहणार

तू कोव्हिडला बदलू शकतोस ?
आणि समज शकत असलास
तरी तो बदलणं योग्य आहे ?

कॅन्सरनं कित्येक गेले

कसलाही प्रतिकार न करता

रामकृष्णांच्यापासून जे  कृष्णमूर्तीपर्यंत

मरण सोपं असतं
कारण मरण मरण नसतंच

माणसं घाबरतात
मरायला

भय हेच मरण
मरण हेच भय

लोकांना त्यातला काटाछापा कळत नाही

अज्ञान असतं

तुझं ज्ञान इतकंच
कि तुला कळतं
दोन्ही एकच आहे

तुला कळतं
ब्रह्मांड आणि कोव्हीड एकच आहे

तुला कळत
कि शेवटी  अद्वैत आहे

तू मरत नाहीस
तू आतल्या आत कूस बदलतोस

श्रीधर तिळवे नाईक