मी जिथे जगतोय
त्या जागेवर माझ्याही पूर्वी कोणी मेला असेल

मी त्याबाबत अनभिज्ञ नाही

पण आत्ता ह्या क्षणी ही जागा मी जगतोय

हेही खरंच कि उद्या कोणी तिसराच
ही जागा जगेल

पण आत्ता ह्या क्षणी ही जागा मी जगतोय

ह्या जागेतच मी कैद आहे
आणि सुटकाही ह्या जागेतूनच होणार आहे
आणि बाहेरून स्वातंत्र्य भोगून आल्यावर
पुन्हा मी ह्याच जागी जगणार आहे

ही जागा मी आत्ता ह्या क्षणी आनंदी का बनवू नये ?
======================================